ძვირფასო სტუდენტებო,

საქართველოს უნივერსიტეტში წელს ახალი ტიპის ინოვაციების ცენტრი დაარსდება, სადაც იქნება განსაკუთრებული გარემო: შესანიშნავი ინფრასტრუქტურა, ინოვაციური იდეების აქტიური მხარდაჭერა, სტარტაპების ხელშეწყობა, ტრენინგები და სხვადასხვა ტიპის სასარგებლო სერვისები.
მოკლედ, თქვენთვის იქმნება შთამბეჭდავი სივრცე - საქართველოს უნივერსიტეტის ახალი ინოვაციების ცენტრი, რომელიც დიდ წვლილს შეიტანს თქვენი ინოვაციური შესაძლებლობების რეალიზაციაში. ამიტომ, მნიშვნელოვანია, რომ სწორედ თქვენ დაარქვათ სახელი ამ ცენტრს, რისთვისაც ცხადდება კონკურსი:

კრიტერიუმები:

• საქართველოს უნივერსიტეტის აქტიური სტატუსის მქონე სტუდენტი
• ლოგო უნდა იყოს შესრულებული 1-3 ფერში
• ლოგო უნდა იყოს ორიგინალური და გენიალურად მარტივი

კონკურსში მონაწილეობის მისაღებად, გთხოვთ შეავსოთ უმარტივესი სარეგისტრაციო ფორმა ამ ლინკზე, სადაც ატვირთავთ საკონკურსო ლოგოს ვარიანტსაც. https://www.ug.edu.ge/startup_form

კონკურსის ბოლო ვადა გახლავთ 15 მაისი, 15: 00სთ. გამარჯვებული გამოვლინდება 17 მაისს.

ცენტრის დაარსების შესახებ ინფორმაციის გავრცელების პროცესში აუცილებლად იქნება ნახსენები ცენტრის ლოგოს ავტორი. გამარჯვებულს, წამახალისებელი პრიზის სახით, საშუალება მიეცემა მოიფიქროს UG Sticker-ების მორიგი სერიის 1 სტიკერის ვიზუალი.

გისურვებთ წარმატებას!